INTRODUCIÓN: AXUDAS PARA ENTIDADES XUVENÍS E PRESTADORAS DE SERVIZOS Á XUVENTUDE

O día 17 de xaneiro de 2008 saíu publicada no Diario Oficial de Galicia a Orde do 20 de decembro de 2007 pola que se establecen as bases que rexen as axudas para a adquisición de equipamento e actividades programadas por entidades xuvenís e entidades prestadoras de servizos á xuventude.

Subvencións dirixidas a entidades de acción voluntaria para o fomento e realización de actividades de voluntariado para o ano 2008

Serán subvencionables os programas e actuacións presentados polas entidades sen ánimo de lucro sempre que desenvolvan proxectos de acción voluntaria e que se realicen no ámbito territorial galego, nalgunha das seguintes áreas: a) Área de sensibilización: o obxectivo destes programas será o de difundir entre toda a sociedade galega a importancia e o valor da participación solidaria de carácter voluntario. b) Área de formación e participación: perséguese aquí unha modernización e adaptación permanente das entidades á realidade social. c) Área de coordinación: as accións fomentarán o traballo en rede e a coordinación entre as diferentes entidades incorporando de xeito transversal as actuacións desenvolvidas nos diferentes eidos do voluntariado, así como as iniciativas de carácter experimental que acheguen solucións innovadoras.

ORIENTACIÓNS PARA CUBRIR EXITOSAMENTE A ORDE DE SUBVENCIÓNS DESTINADAS ÁS ASOCIACIÓNS XUVENÍS

A orde de subvencións contempla tres modalidades: para o programa anual de actividades, para a adquisición de equipamento e material inventariable e para a realización de proxectos de promoción xuvenil. No documento adxunto atoparás instrucións para cubrir doadamente cada unha das diferentes modalidades.