AGÁRRATE AO ASFALTO: curso de condución segura

Agárrate ao asfalto é un curso de seguranza viaria, organizado pola Dirección Xeral de Xuventude e Solidariedade, da Vicepresidencia da Igualdade e do Benestar da Xunta de Galicia, coa colaboración de distintas institucións e destinado a dotar as mozas e os mozos galegas/os das actitudes e coñecementos idóneos para o exercicio dunha condución segura.

Trátase de que, dunha forma amena, coñezas primeiro desde o punto de vista teórico e despois desde o punto de vista práctico, todos aqueles aspectos relacionados coa seguranza no tráfico.

Xa podes acceder á web www.agarrateaoasfalto.net onde obterás toda a información e o calendario de desenvolvemento do curso. Os contidos estarán a listos no mes de setembro e a partir de outubro iniciaranse as xornadas da parte práctica.A Parte teórica desenvolverase vía internet.

TODOS EN MARCHA, TODOS SOMOS RESPONSABLES

Baixo este lema Stop Accidentes en colaboración coa Dirección Xeral de Xuventude, a DXT e a COTOP, ven de por en funcionamento unha campaña de prevención pola seguridade vial.

TALLERES HOMOLOGADOS

En Galiza existen talleres mecánicos que realizan adaptacións e reparacións de vehículos adaptados para persoas discapacitadas e que están especialmente homologados para esta tarefa.