|
05/06/2007
APRENDIZAXE PERMANENTE
|
|
O seu obxectivo é contribuír, mediante a aprendizaxe permanente, ao desenvolvemento da Comunidade como sociedade do coñecemento avanzada, cun crecemento económico sustentable, máis e mellores postos de traballo e unha maior cohesión social, garantindo ao mesmo tempo unha boa protección do ambiente en beneficio das xeracións futuras. En particular, pretende estimular o intercambio, a cooperación e a mobilidade entre os sistemas de educación e formación dentro da Comunidade, de modo que se convertan nunha referencia de calidade mundial.
Este Programa de aprendizaxe permanente (PAP) confórmase como un programa integrado que consta de catro subprogramas sectoriais, un programa transversal orientado a áreas clave, e un programa para apoiar o ensino, a investigación e a reflexión sobre a integración europea e sobre institucións europeas clave.
|
|
|
|
05/06/2007
ERASMUS MUNDUS
|
|
Programa para a mellora da calidade do ensino superior e a promoción do entendemento intercultural mediante a cooperación con terceiros países (2004-2008). o prazo de presentación de candidaturas remata a finais de outubro para a acción 1, a finais de marzo para a acción 2. Os estudantes e académicos deberán presentar as súas candidaturas directamente ao consorcio que oferte os cursos segundo as súas instrucións, o prazo varía duns cursos a outros. Para as accións 3 e 4, o prazo remata a finais de marzo. O obxectivo xeral do programa é mellorar a calidade do ensino superior europeo favorecendo a cooperación con terceiros países, co obxecto de mellorar o desenvolvemento de recursos humanos e de promover o diálogo e a comprensión entre os pobos e as culturas.
|
|
|
