AÍNDA PODES PARTICIPAR NOS CAMPOS DE TRABALLO!!

Se queres facer algo distinto este verán..., se che interesa coñecer xente nova, outras realidades, outros lugares... e queres colaborar en actividades culturais, etnográficas, ambientais, de construción, restauración, arqueolóxicas ou sociais... e se ademáis tes entre 15 e 30 anos; desde a D. X. de Xuventude e Solidariedade queremos lembrarche que ainda podes inscribirte nos Campos de Traballo de Galicia e nos Campos de Traballo de outras comunidades autónomas.

O escritor e xornalista Ramón Chao denunciou en Monforte a persistencia da censura

Máis de 150 persoas ateigaron este venres a Casa de Cultura de Monforte para asistir á intervención do escritor e xornalista Ramón Chao no marco do ciclo "conversascon:", que organiza a Dirección Xeral de Xuventude e Solidariedade. Chao denunciou na súa conferencia a permanencia da censura a través dos anos, poñendo como exemplos situacións persoais que el mesmo tivo que padecer como xornalista. "Pasamos da censura gubernamental de entón á empresarial de hoxe", enfatizou o escritor nado en Vilalba e residente en Francia.

O vicepresidente destaca o carácter innovador e pioneiro dos centros Quérote que sitúan a Galiza na vangarda do Estado en políticas de atención á xuventude

O vicepresidente da Xunta, Anxo Quintana, destacou hoxe o carácter innovador e pioneiro dos centros Quérote, que, segundo dixo, "están a colocar a Galiza como referente no Estado nas políticas de atención á xuventude". O vicepresidente inaugurou este mediodía o novo centro de asesoramento afectivo sexual Quérote de Ourense, o terceiro que entra en funcionamento en Galiza, despois dos de Santiago e Lugo.

Para o vicepresidente da Xunta, a rede de centros Quérote conforma un proxecto novidoso que complementa as actuacións que tradicionalmente se viñan levando a cabo dende o ámbito sanitario e dende os centros de planificación e orientación familiar. Neste senso, Quintana lembrou o interese que este proxecto ten suscitado noutras Comunidades Autónomas do Estado, como Baleares, que xa ten manifestado o seu interese por este modelo que se está a implantar en Galiza.

Xuventude e Concello de Ferrol asinan o convenio para dotar de local de ensaio á cidade departamental

O director xeral de Xuventude, Rubén Cela, e a concelleira de Cultura, Iolanda Díaz, asinaron esta mañá o convenio de colaboración para o financiamento destas obras de reforma das instalacións baleiras do mercado municipal da Magdalena para destinalas a local de ensaio. O acordo inclúe o equipamento deste local que comprenderá catro salas de ensaio, un estudo de gravación, dous espazos para almacén e un para control.

Rubén Cela participa en Valencia nunha reunión preparatoria sobre políticas de mocidade para o vindeiro Consello de Ministros da Unión Europea

O director xeral de Xuventude e Solidariedade, Rubén Cela, participou hoxe en Alacant (Valencia), en representación de Galiza, nunha reunión preparatoria sobre futuras políticas a implementar en materia de favorecer á mocidade con maior risco de exclusión social, cuestión que se debatirá no vindeiro Consello de Ministros da Unión Europea. Ao encontro asistiron os directores xerais de comunidades de todo o Estado, e no mesmo debatíronse e consensuáronse posibles liñas de traballo e actuacións de cara a trazar estratexias dirixidas a aqueles sectores da mocidade con maiores riscos de exclusión social.

Vicepresidencia inviste 110.000 euros na construción e no equipamento do novo local de ensaio de Teo

O director xeral de Xuventude, Rubén Cela, e o alcalde de Teo, Martiño Noriega, asinaron esta mañá o convenio de colaboración para o financiamento desta obra, que convertirá a pranta baixa da antiga escola de Calo nun local de ensaio e gravación. En Teo hai unha vintena de formacións musicais que abranguen un amplo abano de estilos, desde o hip hop ao rock, pasando polo pop, o heavy ou o folk.