|
08/10/2009
Campaña de reciclaxe de móbiles "Mobilízate pola selva"
|
|
Campaña do instituto Jane Goodall que combina reciclar móbiles e colaborar con proxectos de educación ambiental e conservación de hábitats na República do Congo.
CEIDA colabora en Galicia con esta campaña del Instituto Jane Goodall
|
|
|
|
31/03/2009
Uso e xestión do parque natural do Monte Aloia
|
|
O DOG do 31 de marzo de 2009 publica o Plan reitor de uso e xestión do parque natural do Monte Aloia.
Este plan é o instrumento de xestión dos recursos naturais do parque natural do Monte Aloia. Comprende 4 epígrafes:
a) Xustificación, categoría de protección e obxectivos.
b) Zonificación.
c) Medidas de xestión.
d) Desenvolvemento do Plan reitor de uso e xestión
|
|
|
|
16/03/2009
AUGA + MAR 2009
|
|
Auga + Mar é un programa de educación e promoción do voluntariado ambiental sobre o litoral e o medio mariño. Baixo este título propoñemos unha serie de actividades que acheguen aos mozos e mozas á práctica dos coñecementos adquiridos, no ámbito do ensino ou do coñecemento xeral, relativos ao mundo mariño, tanto na súa vertente ecolóxica como na etnográfica, mostrando as embarcacións antigas e tradicionais, as actividades extractivas no mar, a complexidade do ecosistema acuático e a biodiversidade mariña. Os destinatarios son rapaces e rapazas de 3º e 4º da ESO e 1º e 2º de bacharelato.
|
|
|
|
29/01/2009
Plataforma para a Defensa da Ribeira Sacra
|
|
Co obxectivo de parar os novos proxectos hidroeléctricos no Sil e Miño promovidos por Iberdrola e Unión Fenosa, varias asociacións e institucións preocupadas polo futuro da Ribeira Sacra decidiron unir esforzos nunha Plataforma para defender esta terra interior na que as vides, a paisaxe e o patrimonio histórico son os principais activos.
|
|
|
|
16/01/2009
ENTRE MAREAS 2009
|
|
Entre mareas é un programa que busca achegar aos e ás estudantes de Galiza ao medio mariño do noso país, a través dunhas actividades pensadas para que coñezan e se conciencien do importante que é recuperar, conservar e manter o noso patrimonio marítimo. Estas actividades desenvolveranse en diversos espazos protexidos e privilexiados das nosas costas, tanto en terra como no mar. Os seus obxectivos son mostrar o valor do noso mar e das nosas costas, promover a educación ambiental, incidindo nos factores, actividades e comportamentos que interveñen na contaminación do mar, así como os seus custos e as consecuencias derivadas, identificar e valorar os principais recursos naturais dos nosos mares, coñecer o hábitat de milleiros de especies animais e vexetais das nosas rías, mostrar a repercusión económica do mar na nosa terra e sensibilizar á mocidade da necesidade de manter un desenvolvemento sostíbel no noso mar. Os destinatarios son escolares de 1.º e 2.º ciclo da ESO.
|
|
|
|
04/01/2009
VIVE EN DEFENSA DO MONTE GALEGO
|
|
Programa de formación e sensibilización en materia de patrimonio natural e cultural galego, que promove o voluntariado a través de actividades de educación ambiental encamiñadas á recuperación do noso monte. Todo isto, nun marco lúdico de convivencia entre escolares de diferentes centros galegos de ensino.
|
|
|
