|
|
|
27/03/2008
OBRADOIRO TAPERSEX EN LUGO
|
|
|
Presentouse hoxe na Delegación Provincial de Lugo da Vicepresidencia da Igualdade e do Benestar, o Obradoiro de tuppersex, que vai levar adiante o Centro Quérote desta cidade. Na rolda de prensa estiveron presentes Branca Rodríguez Pazos, Delegada Provincial de Lugo da Vicepresidencia , o Director Xeral de Xuventude e Solidariedade, Rubén Cela e as monitoras do obradoiro "tapersex". Os Obradoiros de tuppersex están baseados nas reunións tupper que dende os anos cincuenta se fan en todo o mundo. O que fai especial esta reunión Tupper é que os productos son xoguetes erótica e todos os seus complementos.
|
|
|
03/01/2008
O centro Quérote imparte un obradoiro de sexualidade en Noia
|
|
|
A rede de centros Quérote, da Dirección Xeral de Xuventude e Solidariedade coorganiza co Concello de Noia un obradoiro de sexualidade os días 3 e 4 de xaneiro . Este obradoiro esta dirixido a mocidade deste concello e programouse en dúas sesións de dúas horas, cada unha delas. Celebrarase na Casa da Cultura de Noia. Esta dirixido aos mozos e mozas con idades comprendidas entre os 17 e os 25 anos.
|
|
|
28/12/2007
OBRADOIRO DE SEXUALIDADE EN CARBALLO
|
|
|
A rede de centros Quérote, da Dirección Xeral de Xuventude e Solidariedade coorganiza co Concello de Carballo un obradoiro de sexualidade os días 27 e 28 de decembro . Celebrarase no Pazo da Cultura de Carballo. Participan 25 mozos e mozas da localidade.
|
|
|
21/11/2007
Rubén Cela, Director Xeral de Xuventude, e Branca Rodríguez, Delegada Provincial da Vicepresidencia en Lugo, presentan a próxima campaña do QUÉROTE
|
|
|
Esta nova campaña vaise centrar nunha labor informativa e de asesoramento, así como de divulgación do propio traballo realizado no centro Quérote, que se centrará por un lado nos centros de atención primaria e nos profesionais da saúde dos mesmos, e pola outra, nos centros educativos de ensino secundario e na universidade. Esta labor irá acompañada dunha campaña gráfica explicativa das prestacións ofertadas no centro.
|
|
|
04/09/2007
AGORA TES CENTRO QUÉROTE EN SANTIAGO E EN LUGO!!
|
|
|
Os Centros Quérote de Asesoramento Afectivo-sexual son unha iniciativa da Dirección Xeral de Xuventude e Solidaridade que se inicia coa creación do primeiro Centro en Santiago de Compostela. A rede de centros estenderase proximamente ás principais cidades galegas e os seus servizos vanse canalizar non só a través da rede, senón tamén a través dos Puntos de Información Xuvenil e e dos colexios e institutos.
|
|
|
22/08/2007
ACTIVACIÓN DE RECURSOS AFECTIVO-SEXUAIS NO CONCELLO DE TEO E DODRO
|
|
|
A rede de Centros de asesoramento afectivo - sexual para a mocidade Quérote, no transcurso da súa actividade ven detectando importantes eivas no eido das relacións afectivo- sexual da poboación, en especial do seu sector de poboación co que traballa: a mocidade. Estas eivas teñen síntomas claros, que a nivel cuantitativo se poden ler nas estatísticas de embarazos non desexados, IVEs ou de varias Enfermidades de Transmisión Sexual.
|
|
|
18/08/2007
Xuventude instalará mañá en Boiro un stand informativo do centro Quérote para atender as consultas en materia afectivo e sexual da mocidade
|
|
|
A Dirección Xeral de Xuventude e Solidariedade achega ata Boiro un stand de asesoramento afectivo e sexual pertencente á rede de centros Quérote que se instalará mañá sábado 18 de agosto, no aparcadoiro da Praia Xardín, coincidindo co Festival O Revoltallo.
|
|
|
14/08/2007
O Centro Quérote de Santiago recibiu 2.423 consultas sobre sexualidade durante o seu primeiro ano de vida
|
|
|
Coincidindo co primeiro aniversario do centro Quérote de Santiago, a Dirección Xeral de Xuventude e Solidariedade fixo a primeira avaliación anual do seu funcionamento. Así, pódese detallar que durante o primeiro ano de vida realizáronse 2.423 consultas, distribuídas segundo o medio a través do que foron feitas. De xeito presencial contabilizáronse 447 consultas, de maneira telefónica foron 375,On-line foron un total de 1.601 consultas. A evolución do volume de solicitudes de información pódese ver no número de consultas de xuño de 2006, un total de 108, fronte ás 382 consultas feitas en maio de 2007.
|
|
|
10/08/2007
PRESENTACIÓN DA CARPA MÓBIL DO CENTRO QUÉROTE EN MONFORTE
|
|
|
Rubén Cela visitou Monforte para facer a presentación ca carpa móbil da rede de centros de asesoramento afectivo _ sexual QUÉROTE, que este verán está a percorrer moitos lugares de Galiza. A carpa estará instalada o día 12 de agosto na vila de Monforte, na zona dos Escolapios en horario de 19 a 23 horas.
|
|
|
28/03/2007
Piercings e tatuaxes; moito ollo!
|
|
|
Se che apetece lucir unha tatuaxe ou un piercing, o máis importante de todo é que acudas a lugares que che garanticen as correctas medidas de hixiene e prevención de riscos, xa que do contrario te estarás expoñendo a contraer infeccións ou enfermidades perigosas, como a hepatite B e C ou a SIDA.
|
|
|
|
|
